باش تربحي مساحة فلفريكو وتربحي العلب ديالك عليك بهاذ الخطوات
خودي علب مستطيلة الشكل وضعي فيها ميكا شفافة تكون طبعا اكبر حجما من العلبة
تم صبي فيها الحاجة لي بغيتي تجمدي متلا حريرة ….عجائن…..
ومن بعد عقدي الميكا وغلقي العلبة وضعيها فلفريكو
وملي تجمد زولي الميكا من العلبة غتلقاي ديك الحاجة خدات شكل العلبة حلي العقدة قطعي الميكا الزائدة ولصقي الميكا
بقطعة من السكوتش عملي ليها تيكيت بالاسم والتاريخ وستفيها وحدة فوق وحدة فلفريكو وهاكدا غتربحي المكان وغيبقاو عندك
العلب فارغين لاستعمالات اخرى.
جمدي دائما فنفس العلبة باش يسهال عليك الترتيب.
هاد الطريقة كتنفعني بزاف بزاف خصوصا فشهر رمضان.
انا كنديرها حتى مع لي فيلي ديال اللحم وصدر ادجاج وبيبي والحوت
ومع ليبروشيط ديال اللحم والبيبي
كنشرمل داك الشي ونفرشوا اونستفو فشي صينية صغيرة مدهونة الزيت باش مايلصقش وندخلو للكونجيلاتور يتجمد
من بعد ناخدو نلويه في البابيي اليمونتير ونرجعو لكونجيلاتور ونفس الطريقة كنديرها مع البقية
ونستفهم فوق بعض من بعد غير خرج واشوي ولا اقلي