الوصفة لي دارت صاحبتي و برات من التهاب الكبد C الخطير

معايا واحد السيدة في لاصال دينا و جبنا في الكلام و حكات لي قصتها منين جيت نشوف لقيتها كانت مصابة ب l’hépatite c و تتحكي لي و هي تتبكي معاناتها مع هاد المرض الله ينجينا و ينجيكم و كيفاش تمكنات باش تشافى منو بادن الله تعالى …………..و تتحكي لي قالت لي مشات كازا موريزكو و من بعد التحاليل تاكدات انها مصابة بالفعل و العلاج اللي قال ليها الطبيب خاصها تبعو غااااااااااااااالي بزززززااااااف و مغاديش يحيدو غادي غير يحدو شوية و شوف و شوف..المهم لقات واحد السيدة قالت ليها شوفي بلا متخسري فلوسك انا ختي كانت فيها 75 كيلو و الله يستر منين تصابت ولات فيها 25 كيلو…..جابها راجلها لدارنا هي و بنيتاتها ثلاثة و تنتاظرو تموت كل نهار ..و هو تزوج……قالت و انا نوللي نجرب اللي قالو لي تنديرو قلت هي ميتة ميتة نجرب لعل الله يدير شي معجزة و بالفعل دبا الحمد لله رجعات ليها صحتها من اول و جديد اللهم لك الحمد……….
السيدة اللي معايا طبقات داك الشي اللي قالت ليها بالحرف و دبا تبارك الله صحة سلام كما يكونو مرضى المسلمين اجمعين……….
انا قلت هادي خص يعرفها كل واحد و الحمد لله الدوا عندنا موجود و في المتناول .و اعشاب الاما نفعات ما تضر

المهم هناك ممنوعات في هاد الشي اللحوم الحمراء…….اتاي………الدسم نهائيا القهوة كوكا..بالخصوص و جميع المونادا الاخرى ممنوعة.
المسموحات:السمك الابيض مبخر و لا مشوي و لا طيب في شوية ملح صافي
صدر الجاج مرة مرة اللويزة و النعناع.

ندوزو الوصفة

تتجيبي التبش.تتاخدي غير النوارة ديالو تتيبس و تطحن و الربيع ديالو تخلليه على جنب
تتجيبي البسباس البلدي تتاخدي الجدر ديالو تتيبس و تتطحن و الربيع ديالو تخلليه على جنب ……..هاد التبش و هاد البسباس البلدي الا ما لقيتيهمش سوللي مالين الربيع…….
الخرقوم عرق تطحن بلا ما تقليه بلا والو
تتخلطي هاد المكونات الثلاثة و ديريهم في قرعة ياكل معلقة كبيرة في حليب خالي من الدسم على الريق قبل الاكل بساعتين يعني في الفجر……..

المهم هاداك الربيع ديال التبش اللي بقا عندنا و هاداك الربيع ديال البسباس البلدي اللي بقا عندنا تتزيدي عليهم عشبة سميتها الحنيوة و يطبخ الكل شي نصف ساعة و تبداي تعطيه 3 كيسان في النهار قبل الفطور قبل الغدا قبل العشا شهرين مدة الاستعمال………..
السيدة اقل من شهرين دارت التحاليل و الحمد لله ملقات والو و لكن مازال دايرة الاحتياط…….

قد يعجبك ايضا