الوصفة التي جربتها و لا أستغني عنها….صابون عائلي مبيض للبشرة و يوحد لون الجسم سيغنيك عن الوصفات
الوصفة لبغيت نقتارح عليكم اليوم وصفة جربتها وعجباتني ومبقاتش كتخطاني وخا مرة مرة كنغير في المكونات ولكن غير باش كل مرة نستافد من مكونات واعشاب جديدة ايوة بلى ما نطول عليكم هاد الوصفة عبارة على
* صابونة بالبابونج للبشرة والجسم لكل افراد
العائلة * هي صابونة منظفة + مطهرة حيت العنصر الرئيسي فيها البابونج ومبيضة مع المداومة كتوحد اللون .
خدي صابونة المنجل وحكيها وديريها في كاسرونة وزيدي عليها كاس صغير ماء الورد مع التحريك حتى يدوب الصابون وزيدي 2 م ك عسل حر + 1 م ك زيت اللوز الحلو +1 م ص زيت الورد +1 م ك غلسرين + كاس صغير مغلي البابونج + 2 م ك مسحوق البابونج ( يكون مغربل مزيان ) مع التحريك الجيد وخوي الخليط في قوالب صغيرة ولا معندكش عملي قوالب الثلج وخليهم في مكان فيه الهواء مزيان يوم او يومين على ما يقصاح دابة الجو بارد راه فيساع يوجد وحطي منو في الحمام ووحدة في لافابو ووحدة حداك في المطبخ وقت ما سليتي غسلي ايديك بها والباقي ديريه في ساشي واحتفظي به في الثلاجة وملي تبغي تمشي للحمام ديه معاك استعمليه ملي تعومي وتسالي وممكن يستعملوه كل افراد العائلة – الى صاوبتوه وعجبكم امانة دعيو مع بنتي بالشفاء ولو بظهر الغيب –
ممكن تغيري في المكونات وتعوضي البابونج ومغلي البابونج بالورد يابس مدقوق ومغربل مزيان وتزيدي في كمية ماء الورد.
ممكن تعوضيه بمسحوق الخزامى وقطرات من زيت اساس الخزامى.
والى كنت من محبات الصابون الكريمي ومكتفضليش الصلب زيدي في كمية السائل ( ماء الورد او مغلي البابونج حسب مكونات الوصفة لختاريتي ) حتى تحصلي على القوام لكيعجبك فهاد الحالة قسميه على بواطات صغار كتقفل حطي وحدة في الحمام للاستعمال والباقي احتفظي به في الثلاجة.
خدي صابونة المنجل وحكيها وديريها في كاسرونة وزيدي عليها كاس صغير ماء الورد مع التحريك حتى يدوب الصابون وزيدي 2 م ك عسل حر + 1 م ك زيت اللوز الحلو +1 م ص زيت الورد +1 م ك غلسرين + كاس صغير مغلي البابونج + 2 م ك مسحوق البابونج ( يكون مغربل مزيان ) مع التحريك الجيد وخوي الخليط في قوالب صغيرة ولا معندكش عملي قوالب الثلج وخليهم في مكان فيه الهواء مزيان يوم او يومين على ما يقصاح دابة الجو بارد راه فيساع يوجد وحطي منو في الحمام ووحدة في لافابو ووحدة حداك في المطبخ وقت ما سليتي غسلي ايديك بها والباقي ديريه في ساشي واحتفظي به في الثلاجة وملي تبغي تمشي للحمام ديه معاك استعمليه ملي تعومي وتسالي وممكن يستعملوه كل افراد العائلة – الى صاوبتوه وعجبكم امانة دعيو مع بنتي بالشفاء ولو بظهر الغيب –
ممكن تغيري في المكونات وتعوضي البابونج ومغلي البابونج بالورد يابس مدقوق ومغربل مزيان وتزيدي في كمية ماء الورد.
ممكن تعوضيه بمسحوق الخزامى وقطرات من زيت اساس الخزامى.
والى كنت من محبات الصابون الكريمي ومكتفضليش الصلب زيدي في كمية السائل ( ماء الورد او مغلي البابونج حسب مكونات الوصفة لختاريتي ) حتى تحصلي على القوام لكيعجبك فهاد الحالة قسميه على بواطات صغار كتقفل حطي وحدة في الحمام للاستعمال والباقي احتفظي به في الثلاجة.
أم هبة ووصال