مملحات عاشوراء بالفرماج والزعتر

مبروك عليكم هاذ الشهر باش متمنيتو يارب
هذو مملحات عاشوراء من صفحة شهيوات مجربة وناجحة مع الصديقات

المقادير:

مملحات بساط وكيجيو هشاش نتمنى تجربوهم
125غ زبدة -4الفرمجات-معلقة ص ملح-نصكاس زيت – 400غ دقيق ونص خمارة وشوية ماء للعجن
الطريقة:

نخدم الزبذة مع الفرماج والملح والزيت مزيان ونضيف الدقيق والخميرة ونرمل الكل ونجمع بقليل من الماء البارد تكون العجينة رطبة ونخليها ترتاح فالثلاجة ونوجد مواد التزيين
فيهم صفار البيض اللوز الزنجلان البافو او ( الخشخاش) الحار بودرة الزعتر بودرة .
المهم على حسب رغبة كل واحد والتزيين كيختالف نسرح العجين بين جوج بلاستيك تكون رقيقة ونطبع بالمراشم ونذهن بالصفر البيض مع شوية الخل ونرش بالزنجلان او البافو او نص لوزة
نقطع مثلاتاث صغار ونرش بالحار ونلف بحال كروصة ونسرح العجين على شكل مستطيل رقيق ونذهن بالكتشوب طبقة رقيقة ونرش بالزعتر والحار ونلف بحال شنيك ونقطع بالسكين دوائر ونضغط عليهم شوية ونضع الكل فالاطة والى الفرن سخون على نار مهيلة حتى يتحمر وبالصحة والراحة.