الملوي لي صايبت بطريقة راائعة كيجي مورق و خفيف
صباحكم سعيد البارح صاوبت واحد الملوي بطريقة رائعة منقولة جا رائع جدا كنتمنا إعجبكوم شوية التركيز فقط ندوزو
المقادير و الطريقة
نصف كيلو الدقيق الفرص الممتاز 2معالق كبار سنيدة ملح حسب الدوق كتعجني العجين مزيان كتخليه ربع ساعة مغطي بلاستيك ومدهون بالزبدة منبعد ربع ساعة كدلكي داك العجين بالمدلك على شكل مستطيل وكديري ليه 150 غ الزبدة عادية ماشي دايبة زبدة على شكل كريمة كتبسطيها فوق منها مزيان ومنبعد كتروليه بحال الكومير وكتقطعيه بالموس على شكل مربعات أو مستطيلات بحال لي شفتو فالصورة ومنبعد كدخليهوم التلاجة نصف ساعة ومنبعد كتبسطيهوم على شكل رغيفة بالمدلك وكطوي كل رغيفة على شكل ضرف عاد كتجمعي الجناب كاملين وكتشكلي فيهوم كورات بحال لي شفتو فالصورة وكدخلهوم التلاجة ربع ساعة منبعد كطيبيهوم فالمقلة لي مكتلصقش بلا ماضيفي الزيت كيجيو مورقين الملاوي والبصحة والراحة كاينة شوية الخدمة ولكن رائعين
