صقلة العرائس بالعشوب والنيلة لتوحيد لون الجسم
اغا نهدر ليكم على واحد الخلطة ديال الصابون البلدي وجربوها وردو علي الأخبار غادي تخلي ليكم أجسامكم تيشعلوو بالبياض و تخليه كبحال الحرير وأنا جربتها الشهر لي فات مع بنت خالتي لي داز عرسها .
المكونات :
النيلة الزرقاء معلقة صغيرة النيلة الزرقاء هي تتكون غبره تلقاوها عند جميع العطارين موجودة
الصقلة معلقه كبيرة الصقلة أي عطار فحومتكم سيري عندو وقولي ليه دير ليا الصقلة راه مكينش شي عطار اللي متيعرفش المكونات ديالها هو تيجمعها ليك وصافي، ونضيف عليهم هذه المكونات.
المكونات :
الخرقوم معلقة صغيرة
القرونقل مدقوق معلقة صغيرة
نصف كاس صغير ديال ماء الورد
و صابون البلدي أي كمية
طريقة التحضير :
المهم خلطي كلشي و خوي عليهم ماء الورد فالأخير بالنسبة للصقلة راه فيها مجموعة ديال العشوب منهم اداد و الحلبة و العكر الفاسي و ومنعرف أش آخر تيزيدو فيها المهم هاد الخلطة ديال الصابون البلدي غزالة بغيتكم تجربوها البنات والله فالحمام كيفما جربتها وعطاتني نتيجة روعة من أول استعمال.