الصباغة لي كديرلي ماما من صغري و كتعطيني لون كيحمق

السلآآم هانا جيتوجبت معايا طبعا الجدييييد لعيونكم…وحيتاش كنلقا تجاوب فمواضيعي تايشجعوني نكتب ليهم كل الوصفات لي جربت ولقيت معاها نتيجة

ليوما جبت ليكم الوصفة لي كانت ماما تاديرلي من صغري وكاتعطيني واحد لون فشعري يا سلآآآآم ديما مبرزطاني لي حد الآن نعاود نبقا نديرها حيت داك لون تايجي معايا تبارك الله

ولكن نظرا لاني متبعا واحد تريتمون لعلاج الشعر مابغيتش نبدل لون دابا حتا نسالي ليهم

غادا نكتب ليكم الوصفة لي هي اكيييد مجربة وماليها  نتائج جانبية يعني ماتقولوش ياكما كاتحرق الشعر ولا كاتنشفو

حتا اللون لي كاتعطي موحد ومتناسق ماشو مبقع كولا بلاصة فلون… مع انها فيها الدكاباج إلا انها اكتر من رآآائعة

المقادير

من 2 معالق ديكاپاج غير تال تقريبا نصف قرعة يلا كان الشعر طوييل….بدووووووووووووووون غبرة…

زيت لعود او اي زيوت متوفرة تقريبا 2 معالق لي شعرها ماشي جاف بزاف ولكن لي شعرها جاف دير تقريبا نص كاس عينك ميزانك

1 بيضة

معلقة كبيرة نيسكافي او اكتر حسب طول الشعر

الطريقة

نخلطوهم تا يدوب داك نيسكافي مزيآآآن ونديروها لشعر ونغطيو بميكة وزيييف من 2سوايع تال 4 ويآكم تخليوها تبآت لا ديرو لي دارت وحدة  خدات ديكاپاج وباتت بيه + لغبرة فاقت فصباح شعرها كلا بلاصة بلون

 

قد يعجبك ايضا
اترك تعليقا