الزبدة كنستعملوها بزاف فالمطبخ..دخلي نعطيك فكرة باش تكون عند الزبدة بكمية كبيرة وبأقل تكلفة

الزبدة كنستعملوها بزاف فالمطبخ.كتعطي اللذة لأي حاجة درناها فيها ولكن راها غلات بلا قياس .

حاولت نعوضها بالماركرين النتيجة كانت مزيانة ولكن الفرق كان واضح وباين.
قلت مع راسي علاش ما نخلطهومش بزوج يعني الزبدة والماركرين بكميات متساوية.
النتيجة كانت رائعة.حصلت على مداق الزبدة بتكلفة أقل.

ولكن ماشي أي ماركرين.خاص ماركرين لي يكون لونها أصفر وتكون رطبة ومن النوع الكريمي يعني كتكون فشكلها ولونها بحال الزبدة الرومية. ومداقها يكون خفيف.
وهاد المواصفات لقيتها فماركرين ماكدور. Magdor شوفي كتبان بحال الزبدة الرومية تماما.

الزبدة والماركرين خاصهم يكونو واخدين درجة حرارة المطبخ باش يتخلطو بسهولة ويكونو بنفس الكمية.يمكن ليك تخلطيهم بالباتور او بمعلقة.

وكوني متأكدة فاش ما استعملتيها طبخ….حلويات… فطائر…..كرواصة …دهن الخبز ……. وكأنك استعملتي الزبدة الرومية حيت مداقها هو لي كيجي غالب. يعني لذة واقتصاد .
جربي وغتشوفي بنفسك.

قد يعجبك ايضا
اترك تعليقا