البنات هاكا طيحت 15 كيلو فرمضان لي فات بلا تعب وبلا ريجيم..وتهنيت من السمنة والكرش بأسهل طريقة تبعتها بلا جوع

سلام عليكم البنات كيف راكم على خير ؟؟

نتمنى تكونو كاملين على خير حبيباتي

اليوم جيت نشارك معاكم تجربتي في انقاص الوزن في رمضان دالعام لي فات باش نفيد البنات لي باغية تنقص الوزن وغيسهال عليها في هاذ الشهر بإذن الله تتخلص  من السمنة .

الطريقة البنات كالتالي كنت شفتها من عند واحد اليوتوبر مصرية وفعلا نفعاتني ..

المهم منين يأذن المغرب غتفرقي الصيام بتميرات وعصير ونوضي صلي صلاتك ورجعي كوني موجدة من قبل طبسيل ديال الشلادة وكلي فيه مزيان انا شلاظة كنت ندير فيها خيزو محكوك والفقوص محكوك وخيار ومطيشة وشوية ملح وإبزار وكنعصر عليها الحامض عوض الخل وكناكلها والله حتى لذيذة ومن بعد اراك لشهيوات لي فالطبلة ولكن البنات بالقياس ، كنت ناخد شوية شوية من الحاجة مكندخلش طول وعرض فالطبلة غير شوية شوية باش ميبقاش فيا الحال ومنحرمش راسي من الشهيوات .

صافي وكنود الحمد لله مرتاحة وشبعانة وممنفوخاش والفترة ما بين الفطور والسحور يلا جاني جوع كنت ناكل تفاحة ولا جوج .

نجيو للسحور كنت ناخد طبيسيل ديال شلاظة مع شوية دالفواكه أي فاكهة موجودة عندك حطيها ومن بعد كنشرب الماء كثرو من الماء البنات راه مزيان وكيساعد بزاف فإنقاص الوزن وكنت ناخد حتى ياغورت طبيعي نزيد معاه الحامض وملعقة صغيرة من العسل الحر .

البنات نوصيكم بالرياضة أقل وأقوى حاجة مفيدة هي المشي انا كنت كندير زومبا منها رياضة ومنها كنديفولا شوية وكندير حتى Aerobic فلاصال ومرات كنت كنتمشى المهم الحركة بركة لي كيعجبك ديريه .

صدقوني البنات نصف أو كيلو فالنهار غيزول يلا فعلا تبعتوها وميجي فين يجي العيد حتى يرجع جسمك منحوث وتهناي من الكرش وتلبسي لي يعجبك بدون إحراج .

نخليكم مع الفيديو ديال البنت لي كتهضر على هاد الريجيم .