هادي طريقتي في تحضير الدجاج المشوي في الفرن بالصوص البيضاء سهلة وبسيطة وصحية والاهم بنيييينة بزاف ماتشبعوش منها

الوصفة للاخت Imachid Dam-zk

السلام حبيباتي
هادي طريقتي في تحضير الدجاج المشوي في الفرن بالصوص البيضاء سهلة وبسيطة وصحية والاهم بنيييين بزاف ماتشبعوش منها كانديرها بزاف ملي كانكون عيانة ومافياش لي يوقف بزاف في الكوزينة و في نفس الوقت باغا ناكل شي حاجة ديال الدار صحية و بنينة و طيب دغيا الطريقة بالصور 

1: دجاج +صوص
2 :نديرو في صينية على ورق الاليمنيوم
3: نقطع 2 بادنجان و نديرهم في الصوص لي بقات من الدجاج ونزيد عليهم الشابلير و نستفهم في جناب الدجاج
4:نقطع 2 بطلات دوائر و نستفهم حتى هوما فجناب الصينية
5: ندخل كلشي للفرن سخووون مسبقا على درجة 240 نصف ساعة و نقلبو ربع ساعة و نقدموه بالصحة والراحة  مانستاهلوش شي دعيوة.

إقرأ أيضا  طريقة تحضير كسكس بالديالة والقديد ليوم عاشوراء

طريقة الصوص لي ترقدو فيها الدجاج : 1 دانون مسوس شوية زيت العود معلقة كبيرة موطارد معلقة كبيرة حامض او خل الحامض معلقة كبيرة زعتر لبناني راه كاين عند العطارة لي كايبيعو العطرية المخلطة الجاهزة فحال عطرية الشورما و البسطيلة وداكشي معلقة صغيرو ابزار معلقة صغيرة كمون رشة ملح تفلحي الدجاج و ترقديه فيها 2 سوايع الى عندك الوقت انا درتو ديك الساع و كايجي رااااائع بالصحة والراحة.

publicité



اضف رد

لن يتم نشر البريد الإلكتروني . الحقول المطلوبة مشار لها بـ *

*