قليت الفلفلة فـ 2 معالق د زيت …منها اقتاصدت ومنها حافظت على صحة أسرتي

اولا اختاري الفلفلة لي كتكون خفيفة فالوزن ولونها فاتح.
غسليها ونشفيها ثم زولي الراس والزريعة ودهنيها بزيت المائدة ورشي فقلبها شوية ملح.
اما الحارة دهنيها بالزيت بلا ما تحيدي الراس.
ستفيها فوق الشواية ديال الفرن والنار تحتها مباشرة ومرة مرة قلبيها .كتجي زوييينة وناشفة من الزيت وصحية.

publicité

اما الدنجال طريقتو مختلفة.
قطعيه شرائح على الطول دهنيه بالزيت رشي عليه الملح تم رشي عليه الدقيق غير شويا ماشي تمرمديه فيه لا غير رشيه تم ستفيه فطاوة مدهونة بالزيت ودخليه للفرن وتكون الطاوة مباشرة على النار قلبيه حتى يتحمر.
كيجي رائع ناشف وصحي وخفيف وقشرتو هشيشة.
الى بغيتو تحافظو على صحتكم بلا ما تحرمو نفسكم عليكم بهاد الطريقة .
انا بعدا ودعت المقلة.



إقرأ أيضا
لبيسات تقليدية لوليداتك كيحمقو و بتصاميم اخر طراز

اضف رد

لن يتم نشر البريد الإلكتروني . الحقول المطلوبة مشار لها بـ *

*