قررت انا وزوجي نصبغو دارنا كاملة بريوسنا…بالصور شوفو كيفاش صبغت زليج الكوزينة

حبوبات جبت ليكم هاد التجربة ديال الاخت نجمة البيضاء الله يعطيها الصحة نتمنى تفيدكم.

البنات انا قررت انا وزوجي نصبغو دارنا كاملة بريوسنا من بعد ما ستافدت من بعض المواضيع على النت مشينا لبريكوما تقدينا اللوازم وخدينا صباغة بيضاء ديال الزيت وخدينا لاتانت باش نلونوها وانت واللون اللي كتحبي
انا فضلت نشريو هد المجموهة ب 45 درهم فيها رولو و4 روشونج وشيتة وطاوة فاش تكبي الصباغة صراحة رائعة واستعملنا فقط 2 وحدة للبيضاء واخرى للبيسطاش زيادة على ليسانس باش نغسلو الشيتات وايدينا من الصباغة

اوا نبداو على بركة الله

اول حاجة جمعت الميعنات في كرطونات من الحجم الكبير ودخلتهم لصالون

من بعد غطينا الهوت والارضية بالميكات

من بعد داز راجلي لمرحلة الحكان حك العود ومسح الحيوط مزيان

إقرأ أيضا
بغيتي تفرشي الصالون ديالك ومعرفتي ماديري ؟ شوفي هاد الصالونات المغربية في منتهي الشياكة و الروعة 

خدينا لوازم وبدينا على بركة الله خدينا صباغة بيضاء صبغنا بلافو والبيبان وبلاكارات هوما الاولين

من بعد خدينا لاتانت وزدناها على الصباغة المتبقية وحصلنا على لون اخضر بيسطاش

 

من بعد بديت انا وياه في عملية صبغ الزليج وهو كيصبغ البلاكارات والجناب والاماكن العالية استعملنا عصا الشطابة لصقناها في الرولو حيت دايرين بلاصتو

اوا هاحنا سالينا راه مصورتش الكوزينة كيف ولات ملي رجعت الميعنات بالاضافة اني صبغت البوانيات وديك الباندة اللي في ثلاجة باللون البيسطاش
اوا كنتمنى نكون فدتكم واللي قلبتها ريحة الصباغة تدير بحالي
اول حاجة قطعت بصلة ودرتها في الماء وفرقتها في ارجاء المنزل
ثاني حاجة شويت اللحم ومن بعدما ساليت درت الازير والخزامة والشيح في المجمر
اوا الشراجم محلولين بطبيعة الحال.

اترك رد

لن يتم نشر عنوان بريدك الإلكتروني.