صاحبة الوصفة تقول: كنت صلعة مخلليت مخربقت في راسي ودبا الحمد لله

publicité
اليوم نقدم لك سيدتي وصفة مقدم من السيدة “أم حفصة” عن تجربتها الشخصية للهذة الوصفة الطبيعية الفعالة للنمو الشعر.
أم حفصة تقول : انا كنت صلعة مخلليت مخربقت في راسي ودبا الحمد لله مع هذ الوصفة لي غنشارك معاكم  و لي جربتها بنفسي و لقيت فيها الحل
و هادي عام باش تندير ماء الزعتر من ورا فاش نغسل يعني حتى نتشلل عاد نخويه على شعري و مبقاش تطيح لي شعري ترقع شوية و لكن بقا خفيييييييف.
نهار 22 في هاد الشهر يعني ليومة 18 يوم باش بديت هاد الوصفة اللي غادية نقول ليكم و مولاتها اللي قالتها لي قالت ليك ناض ليها الشعر في شهر و انا نقول ليهم انا اللي غادية نجيب ليكم الصح واش نافعة و لا لا حيت انا شعري قريع هههه
اوا دبا درتها 5 مرات و الله العظيم و الله على ما اقول شهيد من اول استعمال بدات المسام تتحل و دبا الحمد لله بدا تنوض.
و الشوانط اللي كانو لي في شعري بداو يصغارو و الله يجازيها بالف خير الاخت اللي قالتها لي ,غير البارح جات عندي واحد السيدة قالت لي شعرك زيان و قوى تبارك الله اش درت.
و ليومة مع الصباح قال لي راجلي الناس شعرهم زيآآان ههههه و انا ما سايعاني فرحة و دبا انما تنكتب و دايرة الدوا في شعري و حتى لعشية و ندير من فوقو الحنة و القطران.
المهم الوصفة اسهل ما يكون :
– 4 وقيات تومة بجلوفها
-2 حفنات كبار حلبة
طريقة تحضير و إستعمال وصفة ضد الصلع – وصفة للنمو الشعر من جديد :
ديريهم في كاسرونة و خلليهم يطيبو مزيان بقاي تزيدي الماء مرة مرة حتى يطيبو و تنشف الماء
من بعد خدي قياس ديال زيت الزيتون و سخنيها مزيان على العافية و خلليها تبرد من بعد طحني كلشي في المولينكس يعني الحلبة و الثومة بقشورها و الزيت يكون القياس اللي قدك في الطحين و ديري كلشي في طاسة .
انا تنداوي و نرجعها الثلاجة.
مسالة اخرى راه الحلبة متتبقاش الريحة ديالها لا هي و لا الثومة حيتاش تطيبو
تقدري تشمي شوية منين تكوني دايراها في شعرك و لكم منين تتغسلي شعرك متتبقا لا ريحة لا والو.
و نزيدكم مسالة اخرى وللى لي شعري اكاجو هههههههه ما قال لا صباغة لا والو……ههههههه.
نتمنى تفيدكم الوصفة كيما عتقاتني انا ، خليو تعليقاتكم و شاركونا تجاربكم.


14 تعليق

  1. Salam kheti magoltich lina tari9a kifach ndiroha o che7al man mara f simana ndiroha o
    che7al nkheliwha 3ad nghesloha
    O chokran akhti 3la lwasfa

  2. يعني الخلطة هي بس ثوم بالقشر و حلبة و زيت زيتونة و ماهي الطريقة المتبعة في التداوي بالوصفة.

  3. هناء سراج

    بصراحة انا مفهمتش نص الكلام المكتوب يا ربت لو حد مصري فهمه يكتبهولي

  4. ما افتهمت ولا كلمة يا ريت كاتبته باللغة الفصحة

  5. اختي شحال ديال المدة نخليوها ف الشعر عاد نغسلوها. او الله يخليك واش داك الخليط مكيلصقش ف الشعر

  6. واش الطحين حتى هو داخل فالوصفة مفهمتش مزيان

  7. في اناء حطي 250 غرام ثوم 250غرام حلبة حطي مية خليهم يغلو لحد ميستو والمية تنشف حطيهم في خلاط مع كوب زيت زيتون مسخنينو من قبل نطحنهم كويس ونشق بهم فروة الراس قبل الحمام بساعة

  8. الثوم بقشره و حفنتين(حفنة هي كفي اليد ممتلأين) من الحلبة، يغليان في الماء حتى تستوي الحلبة، بعدين أضيفي زيت الزيتون، واخلطيهم في الخلاط الكهربائي، زيت الزيتون المقدار لي يكفيك عشان طحن الخليط في الخلاط، ح،ي الخليط على شعرك ولي بقي حطيه في التلاجة

  9. jerebtha ms aucun resultat plus che3ri ba9a feh reha toma hit reha katb9a

  10. Chokran ala lwasfa ana ghadi njrrabha o nrad alikom

  11. سلام عليكم انا حضرت الوصفة هذي المرة الثانية و انا كنديرها، هيا فصراحة ريحة كتبقا شويا ولكن مشي مشكل المهم هي نتيجة

  12. السلام عليكم أ هادي 3 حمامات وتندير ماء الزعتر ولاحظت النتيجة شعري مبقاش يطيح بزاف ولكن الوصف الأخرى مجربتهاش كندير واحد الزيت زوين فيه ريحة زوينة وافقني واحد الحاجة أخرى راه أي وصفة خاصها المداومة والصبر وتنساي المشكل ماشي تبقاي حاضياة كيخصو الوقت بزاف وديريه وقتما بغيتي هاد الوصفات كتخافيش منهم ثوم مزيان الحلبة مزيانة زيت راه تنديره يوميا يعني عينك ميزانكأنا الحلبة كنت تنديرها في واحد الوصفة برزاتني رحتها أ أنا نحايدها وليت نديرها بلا حلبة ومدام حلفت يعني مغاداش تحط شيحاجة مكيناش خاص صببببببببببببببببببببببببببببببر والوووووووووووووووووووووووووقت هاد مكان

  13. هادي واحد الشهادة للوصفة قريتها بغيت نشاركها معاكم ديال واحد البنت هاد الرابط ليبغات تقرا http://yalalla.com/تجربتي-الناجحة-لوصفة-أعادت-لي-شعري-بعد/
    أنا جربت الوصفة ديال الأخت أم حفصة
    ورجعت نقول ليكم النتيجة ديالها
    اللي مازال مادارتها تنوض دابا تجيب التومة والحلبة وتديرها
    الله يجازيك بكل خير أختي أم حفصة على هاد الوصفة الخطييرة
    أنا درتها و صبرت لريحة والحمد لله خلف لي شعري ورجع أحسن من الأول
    والله شاهد علي
    درتها تقريباً شي 3 أشهر
    درت الحلبة ترقد ليلة الغد زدت التومة وطيبتهم مزيان
    خليتهم يبردو وبديت كانطحن مع زيت العود
    الدار ريحتها ولات غي تومة وحلبة
    بابا قال ليواش شي حسوة جديدة هادي ههههه
    درتها في ميكات صغار او دخلتهم الفريغو وليت نهار السبت كنعيط لماما من الخدمة نقول لها خرجي لي ميكا
    كنجي مع 12 نتوضى ونطلي ندير ميكا او زيف او نضربها بنعسة هديك العشية (مابقى لا دوران لا والو شعري هو الأول )
    ملي نفيق نصلي العصر نوجد الحنة مع القطران حتى الليل او كنمشط شعري او نطلي الحنة او نرجع الميكة
    نهار الأحد كنمشي الحمام
    وشريت واحد الشمبوان من زين الأتات ديال القطران كيدير 380 درهم
    ملي كنجي للدار كندهنو بزيت الحية خدتو من درب السلطان ب 190 درهم
    إو هاد الشي بقيت متبعاه شي 3 أشهر
    منعودش ليكم كيف ولات ريحتي وريحة فولاراتي أخوتاتي مابقاوش كيقربو ليهم ههههههه
    ولكن الحمد والشكر لله والله تم والله إلى خلف لي شعري وكلشي كيسولني اشنو درت
    وهاد الوصفة كتوالم حتى الشعر الناشف حيت ختي حتى هاي دارتها هي شعرها ناشف او أنا عادي
    او دبا مابقيت كندير ليه والو
    يالله قلت نعاود ندير ليه سكنجبير طري مرة مرة إنشاء الله
    ايوا هاد الشي اللي كين قلت ندخل نقول ليكم تجربتي على الله تزعمو تستفدو منها
    وناخد معاكم شوية الأجر في هاد العواشر ههههه

  14. Wach hadchi tan drariii

اضف رد

لن يتم نشر البريد الإلكتروني . الحقول المطلوبة مشار لها بـ *

*