شري منها غير 3 دراهم وشوفي واش يولي ينوض لك الشعر فجسمك مور متحيديه..أقوى ليزر طبيعي دار ضجة فكندا

سلام حبوباتي نتمنى تكونو على خير كاملين الغزالات

كيف العادة كنت كنتسركل فاليوتوب وانا نشوف واحد الفيديو حاطاه خبيرة تجميل مصرية وكتقول فيه ”مسحة واحدة بعد إزالة شعر الجسم ولن ينبت لك الشعر مجددا” ، عجبني وقلت ندخل نشوف اش فيه وتصدمت ملي لقيتها كتهضر على الشبة البنات تصورو معايا الشبة عندها واحد المزايا كبيييرة وكثيرة قليل لي عارف بقيمتهم ، كتبيض المناطق السوداء فالجسم ، وكيستخدموها الناس كمزيل للعرق طبيعي فعاود دوك ديودورو لي كيكحلو لينا الابط ديالنا وكتبقى لينا الريحة خايبة غير نصهدو شوية .

المهم بلا منطول عليكم غنقولكم اش ديرو بالشبة باش تهناو من شعر الجسم .

المهم الغزالات منين تحيدو الشعر بالحلاوة أو الشمع أو الملقاط المهم أي الة كتزول الشعر من الجذور ماشي الشفرة البنات غير رميوها راه غير كتزيد تكثفو وتكحل لبلاصة ، صافي منين تحيدو الشعر وتغسلو المنطقة بالماء غادي تشدو الشبة تكون بودرة أو بلورة أي حجيرة ماشي مشكيل وتدوزوها على المنطقة بدعكها وتركها .

إقرأ أيضا  بغيتي رحيتك تكون ديما زوينة وجسمك صافي من البقع ؟؟ ما عليك غير طبقي هاد الخلطة الشمالية الراااائعة
publicité

ممكن تديري طريقة أخرى غتشدي ملعقة من الشبة بودة وتخلطيها مع 20 ملل ديال الماء المغلي وتذوبيها شوية وتخليه يدفأ وتشدي قطنة وتبليها في المحلول ودوزي على المنطقة وتخليه أو ترشيه على المنطقة مزيان وتخليها تنشف لمدة ساعتين عاد يمكنلك تغسلي عادي .

والطريقة مور متستخدميها مثلا اليوم غتكريها اليوم لي موراه واليوم لي بعدو أي 3 أيام، ومن بعد تسناي من أسبوع ل 10 أيام غتبداي تشوفي الشعر طالع قليل غتكري نفس الطريقة غتحيدي الشعر وديري نفس الطريقة وغتهناي منو بمرة .

 



اضف رد

لن يتم نشر البريد الإلكتروني . الحقول المطلوبة مشار لها بـ *

*