جفافي لي رحمني من عذاب تنظيف الزليج….فكرة غادي تشكروني عليها

السلام عليكم ورحمة الله وبركاته أخواتي الفاضلات ….

كيفما موضوح بالعنوان بعدما قريت موضوع الغالية أم الحبيبتين اللي يجازيها عنا كل خير ماتتبخلش علينا مما علمها الله ،،،

مني شفتها تتشكر ف ديك الخرقة العجيبة كنت خارجة وأنا ناوية نقلب عليها لكن عوض منها لقيتها على شكل جفاف اللي ارحمني من عذاب تنظيف الزليج وخصوصا الزغب اللي تيبقا لاصق ف الجفاف العادية رغم تنظيفها انتي تتجففي وهي تترد ليك الزغب أوووووووف ، لكن مع هادي الحمد لله تهنيييييييييت هي تتمتص الماء بشكل رهييييب وف نفس الوقت تتعمل بحال شي شطابة يعني انتي تتجففي وهي تتجر ليك الأوساخ وماتتلصقش فيها

اسمحولي طولت عليكم نتمنى نكون قدرت نشرح ليكم عليها وهاهي صورتها ….

نضيف كذلك عندها العصا ديالها ممكن تحكمي فيها تقصريها ولا تطوليها.

ملاحظة … راها تتبان موسخة محيت مسكينة عاد ساليت بها التنظيف ومزال ما نظفتها هههه.

لها أدوار أخرى ادرجها على شكل نقط :

– تمسح الزجاج بشكل رائع مع أجاكس

– الأجهزة الالكترونية بكل انواعها سواء التلفزة او الثلاجة …الخ

– تنظف زليج الحائط والارضيات والجيغفليكس

– تمسح حواشي الشراجم اللي كيتركّن فيها الغبار

– الخرقة + معجون الاسنان تنظف لافابو الحمّام بشكل سريع ورائع

– كتمسح سطولة الحمّام وتتوغل في كل مكان

– تنظف المرايا والثريات

– تنظف الكلافيي وداخل PC وخلفه غير بدوزة خفيفة

– تنظف الجدران بشكل لا يصدق

– تمسح الاحدية

– الخشب

– البوطاغاز + الفران

– حتى القلع ديال المائدة كتخليه كيضوي

– ميزتها انها ما كتخلي خلفها حتى ذرة من الشعيرات ديالها

– بعد التنظيف تهلاي فيها ..غسليها بصابون الحجرة او الصابون البلدي

ونشريها فالظل .. وما تقربيهاش للعافية لانها قابلة للاحتراق بسرعة..

يعني ما تهزي بيها لا مقلة سخونة ولا غيرها ..

نتمنى تشجعوني با ش نضيف مواضيع أخرى .

 

موضوع الاخت الفاسية و مقتبس من موضوع أم الحبيبتين

 

جفافي لي رحمني من عذاب تنظيف الزليج....فكرة غادي تشكروني عليها جفافي لي رحمني من عذاب تنظيف الزليج....فكرة غادي تشكروني عليها جفافي لي رحمني من عذاب تنظيف الزليج....فكرة غادي تشكروني عليها

 

 

قد يعجبك ايضا
اترك تعليقا