تقاشر محنينك اواخا تصبنيهم يبقاو مطبعين؟جبت ليك السر لي كندير ليهم باش يخرجو كيشعلو بلا كثرة لفريك

التقاشر تيمحنو إلا درتهوم فالمكينة متايخرجوش و إلا حكيتهم بديك متيخرجوش حتى كيطيبو ليك يديك.

ومؤخرا سمعت فراديو نصيحة الى بغيتي تقاشر يرجعو كيشعلو بلخصوص البويض،ويرجعو لك جداد بلا فريك وبلا عذاب وبلا كثرة الفريك.

الطريقة ساهلة ماهلة ولي هي:

كتعمليهم فالماء ساخن وتتحكيهم بصابون بلدي جيدا وتخليهم مرقدين فيه ،ومن بعد كتصبنيهم بطريقة العادية

والله حتى كيخرجو كيشعلو انا والله حتى جربتهم وزدت عليهم جافيل مع صابون بلدي فرحت،ولكن كن ترطبيهم هما اولين فالماء طايب وصابون بلدي .

نتمنى البنات نكون فدتكم،دابا انا وليت كنجمع الطقاشر بويض وكنعملهم بهاد طريقة كيوليو يشعلو فالاول كنت كنعملهم فالماكينة ومكيخرجوش مزيان عاد كنديرهم فجافيل كيوليو صفرين داب لا ولاولي كيشعلو.