الرغيفات المقرمشين لي مكايخطاونيش من المجمد …فكرة للكوتي بمقادير بسيطة ومذاق اكثر من رائع

حبيباتي هاد الرغيفات كيجيو رائعين فالمذاق والمقادير ديالهم بسيطة بزاف جربوهوم ومتندموش.

كيلو دقيق+1بيضة+1خميرة دالحلوة حمرا+1فاني+قبصة ملح+3ملاعق زبدة بحرارة الغرفة+ماء زهر والحليب نفس القياس. مثلا نعبرو كاس ماء زهر كأس حليب ويلا احتاجت العجينة أكثر نزيدوهم قد قد حتى تتجمع العجينة وتدلك مزياااان حتى تولي رطييطبة ونعملوها كويرات صغييورة ونخلوهم يرتحو مزياان ونبداو نطلقوهم ونطيبوهم فحال اللي كانطيبو التريد أو الورقة د البسطيلة وكل وحدة ملي نزولوها من المقلاة نطويوها في الحين ونجمعوها فالبالاستيكة وملي نساليو إلى الكونجيلاتور الوقت اللي بغيتيهم خرجيهم نيشان للزيت يتحمرو ونستقطروهم فوق ورق نشاف وعند التقديم نحطو فوقم العسل واللوز المحمر ولا لاكريم باتيسيير بالصحة والراحة.

publicité

  



إقرأ أيضا
دجاج مشوي في الفرن بالملح فقط ... رااااااائع

اضف رد

لن يتم نشر البريد الإلكتروني . الحقول المطلوبة مشار لها بـ *

*