اشتري منها 10 دراهم فقط وشاهدي سحرها القوي على شعرك..وصفة من التراث المغربي لترطيب الشعر من أول استعمال

publicité

سلام الغزالات اليوم جيت نشارك معاكم هاذ الوصفة لي عجيييبة ورائعة كترد الشعر رااائع ورطب وحرييييييير، وموناتها مغاليينش بزاف بالعكس هي أصلا فيها مكون  واحد فقط وفيه العجائب الكبيرة لي واخا نبقى من هنا لغدا منساليش من فوائده العظيمة .

غاتمشي يا لالة لعند العطار وتقولي ليه بغيت زريعة الكتان ايه فقط زريعة الكتان ومدارتلي لشعري ، غتاخدي لي بغيتي راه يعطيك شحال ما بغيتي انا خديت 10 دراهم ممكن تاخدي شحال ما بغيتي.

المهم الغزالات غتسخنو الماء مزيان وديروه فشي كسرولة وتحطوه فوق نار مهيلة وتزيدو عليه زريعة الكتان وتبقاو تحركو  شوية بشوية باش متلصقش، اوا منين تشوفو الماء رجع تقيل وخرج داك الجيل من زريعة الكتان وتكون واحد الرغوة بيضة صافي غتهزوه من فوق العافية وحطوه يبرد شوية.

من بعد غتجيبو صفاي أولا شي زيف وتحطو كمية وتعصرو وتحطو كمية وتصفيو حتى يخرج الجيل كاااامل وديريه فشي طويسة.

إقرأ أيضا  ودعي اصفرار الأسنان و تمتعي بالبياض الناصع مع هذه الوصفة البرازيلية العجيبة
publicité

من بعد غتبللي شعرك وتفرقيه خصل باش يسهال عليك، وتبقاي تهزي كمية وديريها على الخصل من الجدور حتى الأطراف ونتي كتجبدي مزيان بحال الطريقة ديال الترطيبة إوا بقاي هاكا خصلة بخصلة حتى تسالي شعرك كامل وخليه شي 2 أو 3 سوايع المهم شحال ماقديتي تخليه فشعرك كان مزيان

ومن بعد غسلي شعرك عادي وشوفي كيف غيخرج من أول استعمال وبالصحة والراحة

هاد الوصفة انا ديما كنديرها حيت مغدية ومغالياش وعندها مفعول زوين

 

موقع يالالة مرشح للفوز بمسابقة ماروك ويب أواردز, باش نوصلو لهاد الهدف حنا محتاجين التصويت ديالكم في هاد الرابط
هادشي ماغاديش ياخذ بزاف ديال الوقت منكم. و للأخوات و الإخوان اللي لقاو صعوبة في التصويت ماعليهوم غير يتبعو الخطوات المصورة في هاد الرابط
ملاحظة هامة: عند نهاية الخطوة 3, المرجو الإنتظار حتى ظهور كلمة
Félicitations
بالأخضر, إذا لم تظهر هذه الكلمة فصوتكم لم يحتسب. شكرا جزيلا

publicité


اضف رد

لن يتم نشر البريد الإلكتروني . الحقول المطلوبة مشار لها بـ *

*