أقوى ليزر جربتو فحياتي..فركة لـ5 دقائق الشعر بدا يطيح بوحدو بلا ألم ولا حلاوة ولا شفرة حلاقة أو لاسير..والأهم بـ0 درهم

سلام البنات اليوم جيت نشارك معاكم واحد الوصفة جربتها شخصيا فإزالة شعر الجسم ولي ارتاحيت فيها بزاف حيت هناتني من شفرة الحلاقة وألم لاسير لي كنت كنضربلها حساب منين كنبدا نشوف الشعر كينود كنحسم بالألم قبل منديرها ههه

المهم البنات لي عجبني بزاف فهاد الوصفة أنها تقامت عليا بـ 0 درهم ولي شجعني عليها أنها مكتطلبش منك مجهود بالعكس غير مساج بحركات دائرية لمدة 5 دقائق وها الشعر تحيد من بلاصتو بدون ألم وكتخلي موراها واحد الرطوبة والبيوضية حيت فداك العملية راك كتديري واحد التقشير للمنطقة وكتديريلها مساج كيحرك الدورة الدموية فيها ولي زاد عجبي كثر وكثر أنها كتقلل من ظهور الشعر وكتخفيه تماااااما وتهنيك من كل مرة شفرة الحلاقة لي مورها كينوض الشعر فالبلاصة وكيولي كثيييير والمنطقة كتكحال.

إقرأ أيضا
جميل القدسي:الطريقة التي تصغر و تكبر الثديين بدون جراحة أو سيليكون

طولت عليكم ياك ههه سمحولي والله غير من فرحتي وقلت نجي حتى نتوما نفيدكم

هه أوكي غزالاتي غتاخدو الفحم راه فكل دار غتشديه غتشعلي عليه العافية وتخليه حتى يطفى ويولي رماد ومن بعد غتدقيه حتى يرجع طحين

publicité

أول خطوة ديريها هي تغطسي شي فوطة فالماء سخووون وتعصريها مزيان وتحطيها على المنطقة نختارو المنطقة الحساسة مثلا باش المسام يتفتحو المهم المراد أي منطقة بغيتيها خاص قبل المسام يكونو مفتوحين باش يسهال علينا القضية.

إقرأ أيضا
عجائب البطيخ..قطعة واحدة منه ستجعل وجهك صافي وأبيض و تخلصك من البثور والتجاعيد

من بعد دي 5 دقايق ديال فتح المسام غتشدي الرماد وتحطيه على المنطقة وتبقاي ديري حركات دائرية مثلا المنطقة الحساسة أو الإبط كيكون فيها الشعر غليض ولهاذا خصك تبقاي ديري فالحركات الدائرية لمدة 10 دقائق ومن بعد أراك الفراجة غتجي تنتفي الشعر غير بصبيعاتك غتلقايه خارج بوحدو بلا ألم بلا عذاب المهم بقاي تنتفشي حتى يخرج كامل

غتلاحظي من بعد الشعر مناضلكش دغيا ومع المداومة بهاذ الطريقة غتحيد فمرة ان شاء الله وتهناي منو.

جربوها وردو عليا



اضف رد

لن يتم نشر البريد الإلكتروني . الحقول المطلوبة مشار لها بـ *

*